Միացի'ր կրթական դպրոցին, դարձի'ր իսկական հարց լուծող հայ առաջնորդ

Նոր օգտակար ու հետաքրքիր գործիքների եմ սովորել տիրապետել թվային գրագիտության դասընթացներից։ Ռուսերենից քերականությունս եմ բարելավել, իսկ անգլերենի դասընթացների ընթացքում ամրապնդել ու վերհիշել եմ իմացածս։ Ու որ ամենակարևորն է ձեռք եմ բերել բազմաթիվ նոր ընկերներ, ճանաչել եմ հիանալի մենթորների ու ձեռք եմ բերել շատ մեծ փորձ ու գիտելիքներ։ Շնորհակալություն Կրթական բաժնին այս հիանալի հնարավորությունը մեզ տալու ու տքնաջան աշխատանքի համար։

Անահիտ Մանուկյան

Մեծ արդյունքներ եմ գրանցել ռուսերենի դասընթացներից, քանի որ մի քանի ժամվա ընթացքում ես հասցրել եմ մինիմալ գիտելիքներ ձեռք բերել, որպեսզի գոնե ներկայանալիս սխալներ թույլ չտամ։ Մեծ կրկնություն եղավ անգլերենի դասընթացները, որը անցնում ենք նույն գրքով, որով անցնում ենք նաև քոլեջում, իսկ թվային գրագիտության դասընթացներից այնքան նոր գործիքներ եմ սովորել, որոնք առօրյայում սկսել եմ օգտագործել, իսկ ժամանակին չեմ օգտագործել, որովհետև չեմ իմացել ծրագրի մասին։

Էդիկ Միքայելյան

Հիանալի արդյունքներ կան, ամեն օր նոր բան եմ սովորում, թե’ ռուսերենից, թե’ թվային գրագիտությունից և թե’ անգլերենից։ Շատ համապատասխան նյութեր են ընտրվում, շատ ուրախ եմ, որ կարողանում եմ գիտելիքներս այս աստիճանի բարելավել, հենց կրթական ծրագրում, շնորհակալ եմ։

Նարե Իսկանդարյան

Այլևս չեմ կաշկանդվում խոսել այլ լեզվով՝ շնորհիվ դասընթացավարների, խոսում եմ սխալներով, արտահայտում մտքերս, իսկ հետո դասընթացավարների հետ աշխատում ենք սխալներիս վրա: Սկսել եմ ավելի լավ խոսել թե՛ ռուսերեն, թե՛ անգլերեն: Մինչ այս ռուսերենով չէի կարողանում նորմալ արտահայտել մտքերս)

Անի Մովսիսյան

Թվային գրագիտության դասերից, սովորել եմ շատ պետքական ծրագրերի մասին,սկսել կիրառել դրանք աշխատանքի մեջ, իսկ անգլերենի և ռուսերենի դասերը տվել են ինքնավստահություն տվյալ լեզվով խոսելու համար և անգլերենից ավելի ամրապնդված գիտելիք։

Անուշ Սարգսյան